Max, Welle und Soich- 2. Gaudiwatten der DJK
Bericht- weil Weihnachten ist als kleines Gedicht

Ganz kuaz vor da Weihnochtszeit,
wars a heier wieda soweit.
15 Paarl ham se droffa
Zum Wattn und ned zum Schofkopfa.

„Woast as scho de A und B lond olle ei sowoi jung und oid
Sgibt a Goashoibe und bschissn wiad, wos olle gfoid
Und noch schene Stund do hots aa Siega gem,
bei da DJK do herrscht oiwei a Lebm.“

Geschickte Naam hams ghot de Teams wia „Die Rabauken“,
hamd gwinga woin, mia weans scho schaukeln.
Doch am End do hams dann doch zfrej drunga,
so ham dann letztendlich zwee Gruabwega gwunga.

Fias leibliche Wohl hams gnua zum Essn serviert,
an Dank an die Damen, de warn sogoa zu viert.
Ganz besonders woin ma uns bei de Sponsoren bedanga,
mit eirer Hilf kann da Verein ganz vui afanga.

Des ganze hod a ghot an wichtigen Zweck,
weil von dem Gejd foan ma auf Oustan weg.
Do kinnan im Training die A und B fest werken
Und hoffentle nechsts Joa die Herren verstärken.

Die meistn de fiebern iazt scho aufs nechste Moi,
mei vielleicht samma no mehra und brauch ma den Gemeindesoi.
Mocha doan mas aaf alle Fälle wieda
Für unsere DJK weil do san d’Leit nia zwida

Im Namen aller
Sepp Duschl

🔴⚫️

Am 8. November fand im Gasthaus Girmindl erneut die Jahreshauptversammlung statt. Wir danken den Jubiläumsmitgliedern für ihre langjährige Treue, dem Vorstand für die hervorragende Leitung in den vergangenen zwei Jahren und begrüßen die neuen Vorstandsmitglieder.

Mehr darüber:
https://www.pnp.de/lokales/landkreis-passau/rudi-schichl-ist-ehrenvorstand-19956673 (leider nur mit PNP plus lesbar)